Na Mwandishi Wetu kutoka Dar Es Salaam,
Simba SC
Alhamisi hii ya Septemba 26 2019 itakuwa ugenini katika uwanja wa Kaitaba mjini
Bukoba kucheza mchezo wao wa Ligi Kuu Tanzania bara dhidi ya Kagera Sugar
“Wanakurukumbi”, Simba SC wanaenda kucheza mchezo huo wakiwa wana kumbukumbu ya
kupoteza mchezo dhidi ya Kagera Sugar kwa magoli 2-1 msimu uliopita (Aprili 20 2019.
“Yaliyotokea msimu
uliopita ni hamasa kwa wachezaji kufanya vizuri kwenye mchezo ujao na
nimeshawaambia inabidi tuwaonyeshe mashabiki kwamba sisi ni Simba. Tunaenda na
malengo ya kuhakikisha tunashinda” kocha Aussems kuelekea mchezo dhidi ya
Kagera Sugar.
Simba SC wanarudi katika
uwanja huo kupambana na Kagera Sugar iliyochini ya kocha Mecky Mexime ikiwa
haijapoteza mchezp wowote msimu huu, ikiwa imecheza michezo mitatu na kushinda
michezo yote mitatu, wakati Simba SC wakiwa wamecheza michezo miwili na
kushinda yote.
Kagera Sugar anaongoza
Ligi Kuu yenye timu 20 akiwa na alama 9 wakati Simba wapo nafasi ya tatu wakiwa
na alama 6, timu ya Simba SC haina matokeo mazuri sana katika uwanja huo dhidi
ya Kagera na mara yao ya mwisho kushinda ilikuwa msimu wa 2017/2018
waliposhinda kwa magoli 2-0.
