Timu ya taifa ya soka ya Kenya itamenyana na Ethiopia katika hatua ya nusu fainali kuwania taji la CECAFA kwa upande wa wanawake, katika michuano inayoendelea katika taasisi ya kukuza soka ya Njeru mjini Jinja nchini Uganda.
Katika mchuano mwingine, wenyeji Uganda watamenyana na Tanzania bara.
Michuano hii yote utapigwa siku ya Jumapili, huku fainali ikichezwa siku ya Jumanne wiki ijayo.
Siku ya Jumamosi ni siku ya mapumziko.
Harambee Starlets ya Kenya ilifuzu baada ya kushinda mechi zake zote za kundi A, na kutofungwa bao lolote.
Hivi ndivyo matokeo yalivyokuwa:
Kenya 4-0 Uganda
Kenya 4-0 Burundi
Kenya 11-0 Zanzibar
Uganda nayo ilimaliza ya pili katika kundi hili la A:
Uganda 0-1 Kenya
Uganda 9-0 Zanzibar
Uganda 1-0 Burundi
Kilimanjaro Queens ya Tanzania bara nayo ilifuzu huku mchuano wake wa mwisho dhidi ya Lucy ya Ethiopia ikimalizika kwa sare ya kutofungana.
Matokeo ya Tanzania katika michuano hii:-
Tanzania 3-2 Rwanda
Tanzania 0-0 Ethiopia
Ethiopia nayo ilifuzu baada ya kmaliza ya pili katika kundi B kwa alama nne baada ya kuifunga Rwanda mabao 3-2.
