Michuano ya soka mzunguko wa kwanza, kuwania taji la klabu bingwa barani Afrika mwaka 2017 ilianza kurindima siku ya Ijumaa.
Mechi nyingi zinachezwa siku ya Jumamosi na Jumapili mwishoni mwa juma hili.
Siku ya Ijumaa, KCCA ya Uganda ilianza vema baada ya kuishinda Deportivo Premiero de Agosto ya Angola bao 1-0.
Bao la ushindi la KCCA lilifungwa na mshambuliaji Geoffrey Sserunkuma katika uwanja wa Naambole jijini Kampala.
Mchuano wa marudiano utachezwa Jumapili ijayo nchini Angola.
Mike Mutebi kocha wa KCCA ambao ndio mabingwa wa soka nchini Uganda, amesema mchezo wa Ijumaa, umemsaidia kuwaelewa wapinzani wake na wana imani kuwa watafanya vizuri ugenini.
Ratiba ya Jumamosi Februari 11 2017
CF Mounana (Gabon) vs Vital’O (Burundi)
Zanaco (Zambia) vs APR (Rwanda)
Zimamoto (Zanzibar) vs Ferroviario Beira (Msumbiji)
Royal Leopards (Swaziland) vs AS Vita Club (DRC)
Tusker FC (Kenya) vs AS Port-Louis 200 ( Mauritius)
Ratiba ya Jumapili Februari 12 2017
Ngaya Club (Comoros) vs Yanga FC (Tanzania)
Gambia Ports Authority (Gambia) vs Sewe Sport (Ivory Coast)
AC Leopards (Congo) vs UMS de Loum (Cameroon)
Vlabu ambavyo vimefuzu katika mzunguko wa kwanza ni pamoja na USM Alger ya Algeria, Etoile du Sahel na Esperance de Tunis ya Tunisia.
Timu nyingine ni pamoja na Mamelodi Sundowns ya Afrika Kusini, Wydad Casablanca ya Morocco, Zamalek na Al-Ahly ya Misri, TP Mazembe ya DRC na Al-Hilal ya Sudan.
Mabingwa watetezi ni Mamelodi Sundowns ya Afrika Kusini.
