Michuano ya marudiano ya mchezo wa soka hatua ya mzunguko wa pili kufuzu katika fainali ya mataifa bingwa barani Afrika kwa wachezaji wasiozidi miaka 17 mwaka ujao nchini Madagascar zinachezwa mwishoni mwa juma hili.
Siku ya Jumamosi, Msumbiji watakuwa wenyeji wa Comoros jijini Maputo baada ya Msumbuji kufungwa kwa mabao 2-1.
Vijana wa Niger nao watakuwa wenyeji wa Nigeria baada ya kupoteza mchuano wa kwanza bao 1-0, huku Ivory Coast na Benin wakimenyana baada ya sare ya bao 1 kwa 1 wiki mbili zilizopita.
Ratiba ya Jumamosi Agosti 19 2016
Kenya vs Cameroon
Msumbiji vs Comoros
Gabon vs Algeria
Angola vs Mauritius
Niger vs Nigeria
Burkina Faso vs Ghana
Cote d’Ivoire vs Benin
Senegal vs Tunisia
Vijana wa Kenya watashuka uwanjani baada ya kipigo kizito cha mabao 7-0 katika mechi ya kwanza ugenini.
Matumaini ya Kenya kufuzu katika mzunguko wa mwisho hayapo kutokana na wingi wa mabao waliyofungwa na itakuwa ni vigumu kufunga angalau mabao 9-0.
Siku ya Jumapili, Tanzania ambayo ililazimisha sare ya bao 1 kwa 1 na Afrika Kusini, itarudiana na wapinzani wao katika uwanja wa Taifa jijini Dar es salaam.
Ratiba ya mechi zingine za Jumapili;
Chad vs Mali
Misri vs Ethiopia
Guinea vs Morocco
Namibia vs Congo
Sudan vs Zambia
