Na Victor Abuso,

Rais wa Shirikisho la soka nchini Uganda FUFA, Moses Magogo na Mkurugenzi Mkuu Mtendaji wa Shirikisho hilo Edgar Watson wameteuliwa kuhudumu katika kamati za Shirikisho la soka barani Afrika CAF.

Hii inafika idadi ya raia wa Uganda wanaoketi katika kamati za CAF kufikia watano.

Rais wa FUFA, ametajwa kuwa mwanachama wa Kamati ya kupanga michuano ya klabu bingwa barani Afrika, huku Edgar Watson akishiriki katika Kamati ya kiufundi na maendeleo.

Mkuu wa maswala ya Sheria wa Fufa, Alex Luganda ameendelea kushikilia nafasi ya ukataji rufaa, huku James Sekajugo akiendelea kuketi katika Kamati ya afya.

Rais wa zamani wa FUFA, Lawrence Mulindwa naye ni mwanachama katika kamati inayoandaa michuano ya vijana walio na umri wa chini ya miaka 20 barani Afrika.

Wanakamati hao wapya wa CAF watahudmu kwa muhula wa miaka miwili.