Mabingwa watetezi wa ligi kuu Tanzania Bara Yanga FC, walilazimisha sare ya bao 1 kwa 1 na Azam FC katika mchuano mgumu uliochezwa katika uwanja wa taifa jijini Dar es salaam siku ya Jumamosi.

Yanga ndio ilikuwa ya kwanza kuona lango la Azam katika dakika ya 47 kabla ya mapumziko kupitia bao la mshambuliaji wa Kimataifa kutoka nchini Zimbabwe Donald Ngoma.

Kipindi cha pili kilianza kwa kila timu kulisakama lango la mwenzake lakini Azam wakafanya mabadiliko na akaingia Kipre Herman Tchetche kutoka Cote Dvoire kuchukua nafasi ya Allan Wanga wa Kenya.

Tchetche aliisawazishia Azam FC dakika ya 82 baada ya kupokea pasi safi kutoka kwa Farid Mussa na kufanya mambo kuwa sawa.

Dakika mbili kabla ya kumalizika kwa mchuano huo, Yanga walipata penalti iliyozua ugomvi kati ya timu hizo mbli lakini hakufanikiwa kuitia kimyani.

Kwa matokeo hayo, Yanga FC na Azam FC wote wana alama 16 baada ya michuano sita, wakifuatwa na Simba FC ina alama 15 na siku ya Jumamosi iliishinda Mbeya City bao 1 kwa 0.

Matokeo Kamili

Mechi zijazo: